Vir elkeen van die personeel is dit van die uiterste belang om hulle beste te lewer en sodoende die opleiding en opvoeding van leerders van La Hoff tot hul allerbeste te ontwikkel.

Ons sien onderrig as deel van opvoedende onderwys. Elke leerder maak saak en moet volgens sy/haar vermoë presteer. Slegs aktiwiteite wat sal bydra tot die positiewe vorming en ontwikkeling van leerders word by ons skool aangebied. In ons klaskamer geniet basisvaardighede en inoefening prioriteit. Ons maak gebruik van die kurrikulum soos voorgeskryf deur die Onderwysdepartement. Die aanbieding word aangepas sodat dit uniek en spesiaal aan ons skool is. Die volgende vakke word aangebied soos per elke fase:

Afrikaans Huistaal, Engels Eerste Addisionele Taal (vanaf Gr 1), Wiskunde, Lewensvaardighede en Tswana (vanaf Gr 1).

Afrikaans Huistaal, Engels Eerste Addisionele Taal, Wiskunde, Natuurwetenskap en Tegnologie, Sosiale Wetenskappe en Lewensvaardighede.

Afrikaans Huistaal, Engels Eerste Addisionele Taal, Wiskunde, Natuurwetenskap, Sosiale Wetenskappe, Lewensoriëntering, Ekonomiese Bestuurswetenskap, Tegnologie en Kuns en Kultuur.

Laerskool La Hoff beskik oor ‘n ervare en bevoegde Beheerliggaam wat in 2021 verkies is.
Hierdie span werk nou saam met die skoolhoof en personeel van die skool. Onder hulle
bekwame leiding en motivering word projekte suksesvol aangepak en voltooi.